Հավաքից հավաք.Մեկ տարի այլընտրանքային մոլորակում…
Շուտով կլրանա 1-ին տարին, ինչ աշխատում եմ արդեն հարազատ դարձած դպրոցում: Աշխատածս ամիսների ընթացքում ձեռք բերեցի ոչ միայն հսկայական մասնագիտական փորձ, այլ նաև կյանքի փորձ: Յուրաքանչյուր օր ուսուցում էր ոչ միայն սովորողների համար, այլ նաև ինձ համար: Սովորում էի փոքրերից,սովորում էի ավագ ընկերներիցս …
Մեզ՝տեխնոլոգներիս բաժին է ընկել ամենաբարդ,բայց ամենահաճելի գործերից մեկը մանկավարժության մեջ՝ գեղագիտորեն ձևավորել անձը արվեստի օգնությամբ, սովորողներին նախապատրաստել ինքնուրույն աշխատանքային կյանքին. դաստիարակել կիրթ,ստեղծագործող, նախաձեռնող և ակտիվ քաղաքացի: Գեղագիտական դաստիարակությունը նպաստում է գեղեցիկի լիարժեք ըմբռմանը կյանքում, բնության և հասարակության մեջ:Գեղեցիկը ներազդում է գիտակցության վրա, հոգու և կամքի վրա, ինչպես նաև հարստացնում է մարդու հոգևոր աշխարհը:Գեղագիտական դաստիարակության ընթացքում ձևավորվում են հայացքներ, զգացմունքներ և Ճաշակ… Մարդուն դրդում է ազնվության և մարդասիրական գեղեցիկ արաարքների:Իսկ ուսուցչի խնդիրն է տարբեր մեթոդներով ներազդել սովորողի մտքերի ու զգացմունքների վրա, զարգացնել ստեղծագործական ունակությունները և ակտիվությունը:Տեխնոլոգիայի ուսուցիչը պետք է օգնի երեխային նկատել,զգալ գեղեցիկը…հիանալ և ուրախանալ … Ճաշակը ի ծնե չի, այլ ձեռք բերովի է… զարգանում է դպրոցում, ընտանիքում,շրջապատում: Գեղագիտորեն զարգացած անհատը ապրում է լիիրավ կյանքով… Տարբերություն է դնում գեղեցիկի և տգեղի միջև, տարբերում է չարը բարուց , հոգատար է և նրբանկատ: Նման մարդը ունի բոլոր հնարավորությունները հասարակական գործընթացներին մասնակցելու և լիարժեք քաղաքացի լինելու համար:
Բացի դրանից առարկայի շրջանակներում սովորողները զինվում են անհրաժեշտ տեխնիկա- տեխնոլոգիական գիտելիքներով և ունակություններով ապահովելով անձնային և ազգային լավագույն ավանդույթների պահպանման և զարգացման գործը: Տեխնոլոգիան ճանաչողական գիտություն է, որը ուղված է մարդու գործնեության բարեփոխման, գիտելիքների համակարգման, գործնեության օպտիմալացման, արդյունքների զարգացման: Տեխնոլոգիան ըստ էության գործնական ուղղորդող և ուսուցանող ոլորտ է:
Տեխնոլոգիա առարկայի ամենաարդյունավետ աշխատանքային մեթոդներից է նախագծային ուսուցման մեթոդը, քանի որ այն մերժում է ուսուցման բովանդակության ստանդարտացման անհրաժեշտությունը և առաջ է քաշում երեխաների պրակտիկ փոխադարձ ակտիվության վրա հիմնված ուսուցումը:Նախագծային ուսուցման տեխնոլոգիան մշակվել է ամերիկացի փիլիսոփա և մանկավարժ Ջ.Դյուրիի կողմից: Այս մեթոդի գլխավոր նպատակներից է ոչ միայն գիտելիքներ ձեռք բերելը, այլ նաև դրանք պրակտիկ կյանքում ճիշտ կիրառել կարողանալն ու դրանց օգնությամբ առօրյա կյանքում շատ խնդիրներ լուծելը: Ու՞մ է պետք ստանդարտացված տեսական գիտելիքները, եթե այն մեզ պետք չի գալու մեր հետագա կյանքում և այդ գիտելիքների միջոցով չենք կարողանալու խնդրի լուծում գտնել:
Այսպիսով, կցանկանայի ներկայացնել այս ամսիների ընթացքում մեր միասնական աշխատանքների արդյունքները:
Մեր աշխատանքների կարևորագույն հատվածներից էր միջավայրային ձևավորման նախագիծ-առաջարկները: Շատերը արդեն իրականացվել են, իսկ մնացածը կիրականացվեն ժամանակի ընթացքում:
- Նոր շունչ հին սեղաններին …
- Գունեղ միջավայրը ուրախ խաղերի տեսքով…
- Գույնը միջավայրում…
- «International»…
- Նոր դպրոցի պատի ձևավորումը..
- Ծաղկանոց + Միջավայր
- Ծաղկանոցի ձևավորում …
- Կրթական պարտեզ…
- Արհեստական լճակ Նոր դպրոցում …
- Նոր դպրոցի կաթյսայատան ձևավորումը…
Իրականացված միջավայրային ձևավորումները…
- Նոր շունչ հին սեղաններին …
- «Գունեղ միջավայրը ուրախ խաղերի տեսքով…» Նոր դպրոցում
- «Գունեղ միջավայրը ուրախ խաղերի տեսքով…» Գեղարվեստում
- Աստիճանների թարմացում և ձևավորում
- Գույնը միջավայրում…
- Նախապատրաստում ենք մեր ճեպանկարների անկյունը…
- Ժամանակակից լուծումներով կոճղային դեկորներ
- Մոդերն ոճի ծաղկանոց
- Մեր նվերը մեր Երկրին …
- Գունավորենք մեր աշխարհը…
Բացի միջավայրային ձևավորումերից իրականացրել ենք նաև ուսումնական օրացույցով նախատեսված տարբեր նախագծեր: Ամանորին ընդառաջ սովորողներիհետ միասին իրականացրեցինք «Տոներն են մոտենում…» նախագիծը: Նախագիծը իր մեջ ներառում էր՝ տիկնիկագործությունը՝թելերից և գուլպաներից, լուսամփոփներ թելերից, դեկորներ շշի փականներից,ճյուղերից, պլաստիկ բաժակներից և գդալներից, լամպերից… պատրաստեցինք լուսամփոփներ բակի համար ,ապակե բանկաներից… պատրաստեցինք մակարոնե խաղալիքներ և այլն:
Ուսումնական տարվա 2-րդ կիսամյակի գործունեությունս սկսվեց միայն Նոր դպրոցում:Նոր կիսամյակը սկսվեց ստուգատեսային տոն — Ղափամայով:Ուսումնական արապմունքները սկսելուն պես արվեստանոց հրավիրեցինք մեր նոր ընկերոջը՝արվեստասեր սարդին: Նա մեր պատին հյյուսեց սարդոստայնը իր մեջ ներառելով աշխարհահռչակ նկարիչների աշխատանքները: Շատ կարևոր է ուսուցման համար կազմակերպել ճիշտ միաջավայր: Կազմակերպեցինք նաև մեր Փետրվարյան ստուգատեսների խաչմերուկների անկյունը: Հաջորդ նախագիծն էր «Ձոն». տեխնոլոգիական ստուգատեսը: Նախագծի ընթացքում պատրաստեցինք անակնկալ-նվերներ մայրիկներին, ուսուցիչներին , տատիկներին, քույրիկներին և այլն:Պատրաստեցինք ծաղկամաններ լամպերից և շշերից,այլընտրանքային բացիկներ բանկաներից և օգտագործեցինք կարտոֆիլը, որպես կնիք բացիկները ձևավորելու համար: Մարտի 4ին մեդիաուրբաթի պատասխանատուն էր Նոր դպրոցը և սովորողների հետ միասին նախապատրաստեցինք մեր արտաքին հարդարանքը: Հաջորդ նախագիծն էր ըստ ուսումնական օրացույցի Սուրբ Հարության տոնը: Տեխնոլոգիական ստուգատեսին ընդառաջ ստեղծեցին մեր ծաղկանոցները և ջերմոցները:Գարնանային տաք օրերը դիմավորեցինք օդային օձով:
Նախագծային ուսուցման շաբաթը անցավ շատ արդյունավետ ՝՝ օր 1, օր 2,օր 3, օր 4, օր 5: Մասնակցեցինք նաև «Մեծ լվացք» ֆրանսիական փառատոնին:
Էկոտուին մասնակցեցինք Դպրոցական բակը պարտեզ նախագիծով և Թռչունին բույն նախագիծով և ազդարարեցինք Պլեներների մեկնարկը…:
Կարծում եմ ամենահաջողված նախագծերից են՝
«Ոնց որ …» նախագիծը ՝ որի նկարագիրն կարող եք տեսնել այստեղ, իսկ արդյունքները այստեղ:
«Հանճարների հետքերով…» նախագիծը ՝
Մաս1՝ Լեոնարդո դա Վինչիի փոքրիկ հետևորդները…
Մաս 2 ՝Քարե կոմպոզիցիաները , այս աշխատանքներով մասնակցել ենք ցուցահանդեսի:
Մաս 3՝Վերարտադրում հայտնի կտավները ֆոտոների միջոցով…
Եվ ծանոթացել ենք նկարչության այլընտրանքային ոճերից՝ ձողիկանկարչությանը և կետիկի արվեստին`պուանտիլիզմին:
Ահա այսպիսով եմ ամփոփում իմ 8 ամսվա գործունեությունը:Այս նախագծերից շատերը դեռ շարունակվում են,ուսումնասիրվելու են և կատարելագործվելու,իսկ հետագայում մշակվելու են նորանոր ծրագրեր:Ընթացքում սովորեցի առաջնորդվել նախագծային ուսուցման կարևորագույն սկզբունքներով ՝
- հետազոտական,ստեղծագործական աշխատանք պարունակող խնդրի առկայությունը,խնդիր,որի լուծումը պահանջում է ինտեգրված գիտելիքներ և որոնողական աշխատանք;
- Սպասվող արդյունքների տեսական,գործնական և ճանաչողական կարևորությունը/զեկույց,ուսումնասիրությունների հրապարակում և այլն;
- Սովորողների ինքնուրույն գործունեության/անհատական,զույգերով,խմբերով/;
- Նախագծի բովանդակային մասի համակարգվածություն/նշումներ տարբեր փուլերի արդյունքների մասին/;
- Հետազոտական մեթոդների կիրառում հետևյալ հերթականությամբ.
- խնդրի որոշում
- լուծումների եղանակների ընտրություն
- անհրաժեշտ մեթոդների ընտրություն
- վերջնական արդյունքների ներկայացման եղանակների ընտրություն
- հավաքված տվյալների համակարգում և վերլուծություն
- արդյունքների ձևավորում և ներկայացում
- եզրակացություններ և նոր խնդիրների նախագծում
Այս սկզբունքները շատ կարևոր են ճիշտ և արդյունավետ աշխատանք կազմակերպելու համար, հատկապես տեխնոլոգիա առարկայի ընթացքում: Յուրաքանչյուրս էլ սխալներ է թույլ տալիս, բայց կարևոր է այդ սխալներից դաս քաղել և վերանայել յուրաքանչյուր քայլ՝ վերլուծություններ կատարելով:Կատարելագործելով ծրագրերն ու մոտեցումները, կփորձեմ հաջորդող՝2016-17 ուս. տարվա ընթացքում օգտագործել ձեռք բերած փորձս և գիտելիքներս նորանոր հաջողությունների հասնելու մանկավարժության մեջ:
Posted on 27.04.2016, in Հաշվետվություններ, Հոդվածներ. Bookmark the permalink. Оставьте комментарий.
Оставьте комментарий
Comments 0