Երևանյան թափառումներ, քայլարշավ, բարձունքի հաղթահարում, նկարչական պլեներ

 

Ընտրությամբ գործունեության, սեպտեմբերի 23-ի ուսումնական պարապմունքը նախատեսվում է անցկացնել արտագնա՝ Հաղթանակի այգում: Սովորողների համար շատ կարևոր է բացօթյա նկարչությունը:
Պարապմունքի թեման՝ Հեռանկարը բնության մեջ՝օդային և գծային,իսկ Հաղթանակի այգու բարձունքից հեռանկարի ուսումնասիրումը լավագույն տարբերակն է:

Պարապմունքի նպատակը՝

• Հեռանկարի ճիշտ կիրառումը՝ հորիզոնի գծի ճիշտ տեղադրումը
• Դիտման կենտրոնի առանձնացումը գույների հակադիր կամ նրբերանգային զուգորդումներով,
• Դիտման և ուսումնասիրման արդյունքում ձեռք բերված գիտելիքների կիրառման փորձի
  ձևավորում,
• Ինքնուրույն աշխատելու, իրենց գիտելիքները, թղթին հանձնելու հնարավորությունների ստեղծում:
• Համաչափության կանոնների մասնակի վերարտադրում:
• Երանգային և գունային համադրումներով ստանալ ճիշտ հեռանկար
• Ստեղծագործական ներուժի ակտիվացման, աշխատանքի պլանավորման, արդյունքների
  ստացման կարողությունների ձևավորում:

Պարապմունքի մասնակիցներ՝ 4-5 դասարանի ընտրությամբ գործունեության՝ դիզայնի խումբ, հայրենագիտության խումբ

Պատասխանատուներ՝Հասմիկ Թոփչյան , Իվետա Ջանազյան

Ճամփորդության օրը, ժամը՝ սեպտեմբերի 23-ին, ժամը 11:30-14:30

Պարապմունքի նկարագիրը՝

Մաս առաջին. Համատեղ քայլարշավ Կասկադից մինչև Հաղթանակի այգի՝ աստիճաններով: Այցելություն Գաֆէսճեան արվեստի կենտրոն: Ծանոթացում տեղայնքին, պատմության, ճարտարապետությունների ուսումնասիրում քայլարշավի ընթացքում:

Մաս երկրորդ. Փոքրիկ ընդմիջում, հանգիստ Հաղթանակի այգում

Մաս երրորդ. Բացօթյա նկարչություն, պլեներ այգու տարածքում՝

• ծանոթանաթանալ տեղայնքի պատմության հետ
• քաղաքամայր Երևանը բարձունքից
• ուսումնասիրել տարածքը
• նկարելու համար ճիշտ դիրք ընտրել,տեղավորվել
• օդային և գծային հեռանկարի բացատրություն՝հենց բնօրինակից,
• էտյուդային նկարչություն
• հետաքրքիր ֆոտոշարք նոր ուսումնասիրած հեռանկարի կիրառումով
• աշխատանքների ուսումնասիրում, քննարկում

Մաս չորրորդ՝ Վերադարձ դպրոց

Անհրաժեշտ նյութեր՝

• Ալբոմ, մատիտներ, հաստ ստվարաթուղթ կամ կոշտ թղթապանակ, ալբոմը վրան դնելու համար: Հարմարացնում է նկարելը:
• Արևային գլխարկներ
• Ջուր
• Բրդուջներ
• Հարմարավետ հագուստ
• Ֆոտոխցիկ