Ընտրությամբ գործունեություն 4-5 դասարանի սովորողների համար

Միայն 4-5 դասարանի սովորողների համար:
Մտեք այստե՛ղ և ընտրեք ձեր նախընտրած գործունեության տեսակը… Ցանկալի է ընտրել մի քանի տարբերակ:
Տերմիններ, որոնք կարող են լինեն անհասկանալի՝

Պոլիմերային կավ` պլաստիկ նյութ փոքր իրեր պատրաստելու համար: Շատ նման է պլաստիլինի, հեշտ է աշխատել, փափուկ է և գործը վերջացնելուց հետո 100-130°C ջերմաստիճանի տակ կարծրանում է ինչպես կավը:

Վիտրաժ (ֆր.՝ vitrage, լատ.՝ vitrum — ապակի), ապակենկար, զարդապատկերային կամ սյուժետային դեկորատիվ կոմպոզիցիա ապակուց կամ լուսաթափանցիկ այլ նյութից։Պատուհանի բացվածքները ծածկող գունավոր վիտրաժները լույսի հարուստ գունախաղ են ստեղծում և էապես նպաստում ինտերիերի ձևավորմանը։

Դեկուպաժ (ֆր.՝ découper — կտրել), տարբեր իրերի զարդարման ձև թղթից նկարների կամ նախշերի օգնությամբ… հաճախ օգտագործում են անձեռոցիկների նախշերը: Հատուկ նյութի միջոցով տեղափոխում ենք նկարը ուրիշ հարթության վրա (կահույք,զարդատուփեր, զարդեր և այլն):

Բատիկ՝ (ինդոնեզերեն ba`բամբակյա գործվացք , tik` կետ, կաթիլ) , գործվացքի վրա հատուկ ներկերով նկարված պատկեր է: Օգտագործում ենք և հագուստի մեջ և ինտերիերում:

Գոբելեն ՝ թելերից գործված նկար ։